Bindi

Este artigo amosa letras indias. Sen o soporte axeitado, o texto pode mostrar símbolos sen sentido, coma caixas, marcas e outros.

Un bindi (en hindi: बिंदी, do sánscrito bindu, que quere dicir "punto, pinga ou partícula pequena") é un punto vermello que se leva na fronte, xeralmente entre os hindús e as mulleres xainistas. A palabra bindu procede do himno da creación coñecido como Nasadiya Sukta no Rigveda.^[1] Bindu é considerado o punto no que comeza a creación e pode converterse en unidade. Tamén é descrito como "o símbolo sagrado do cosmos no seu estado non manifestado".^[2][3] Un bindi é un punto de cor vermella aplicada no centro da fronte preto das cellas que é común no subcontinente indio (particularmente entre os hindús da India, Paquistán, Bangladesh, o Nepal e Sri Lanka)^[2] e o sueste asiático en Balí e nos xavaneses hindús así como os musulmanes ilocanos de Filipinas. No hinduísmo, no budismo e o xainismo está asociado co chakra ajna^[4] e é coñecido como o terceiro ollo do chakra. O Bindu tamén é punto arredor do cal se crean os mandalas, representando o universo.^[3][5] O bindi ten unha gran presenza histórica e cultura na rexión de Grande India.^[6][7]

1. ↑ "nasadiya-suktha-and-purusha-suktha". 
2. ↑ ^{2,0 2,1} Khanna 1979: p. 171
3. ↑ ^{3,0 3,1} Swami Ranganathananda (1991). Human Being in Depth: A Scientific Approach to Religion. SUNY Press. p. 21. ISBN 0791406792. 
4. ↑ Mercier (2007). p. 267.
5. ↑ Shakya, pp. 82–83
6. ↑ Southeast Asia: A Historical Encyclopedia, from Angkor Wat to East Timor, by Keat Gin Ooi p. 642
7. ↑ Hindu-Buddhist Architecture in Southeast Asia by Daigorō Chihara p. 226